2020-05-31

ЦОР ГАНЦ БУРХАН ӨӨРӨӨ VIII

On: 21:51
By: Төгс хүчит Бурханыг шүтэн мөргөе
Бурхан бол бүх зүйлийн амийн эх сурвалж (II)


 Өмнө нь хэлэлцсэн сэдвээ үргэлжлүүлцгээе. Өнгөрсөн удаа бид юуны талаар хэлэлцсэнийг та нар санаж байна уу? (Бурхан бол бүх зүйлийн амийн эх сурвалж.) “Бурхан бол бүх зүйлийн амийн эх сурвалж” гэсэн сэдэв та нарт их хол юм шиг санагддаг уу? Та нар үүний талаар өнгөц түвшний ойлголттой байна уу? Өнгөрсөн удаа бидний ярилцсан энэ сэдвийн гол санааг Надад хэлж өгч чадах хүн байна уу? (Бурхан бүх зүйлийг бүтээснээр дамжуулан би, Бурхан бүх зүйл болон хүн төрөлхтнийг тэтгэдгийг хардаг. Өмнө нь би, Бурхан хүнийг хангах үедээ зөвхөн Өөрийн сонгосон хүмүүсийг үгээрээ хангадаг гэж үргэлж боддог байсан, харин бүх зүйлийн хуулиар дамжуулан Бурхан хүн төрөлхтнийг тэтгэж байгааг хэзээ ч харж байгаагүй. Үнэний энэ талын тухай Бурханы яриагаар л дамжуулан би, Бурхан бол бүх зүйлийн эх сурвалж бөгөөд бүх зүйлийн амийг хангадаг, Тэрээр эдгээр хуулийг зохицуулж, бүх зүйлийг тэтгэдэг гэдгийг мэдэрсэн. Бүх зүйлийн бүтээлээс нь би Бурханы хайрыг хардаг.)
Read More
Posted by :

2020-05-30

Христийн сүмийн дуу “Үгийн ажлаар дамжуулан хүмүүс Бурханыг илүү их мэддэг” (Lyrics)

On: 21:30
By: Төгс хүчит Бурханыг шүтэн мөргөе

Христийн сүмийн дуу “Үгийн ажлаар дамжуулан хүмүүс Бурханыг илүү их мэддэг” (Lyrics) 

 Эцсийн өдрүүдэд Бурхан хүнийг төгс болгохдоо
голчлон үг ашигладаг,
хүнийг дарангуйлж, итгүүлэхээр
тэмдэг, гайхамшиг ашигладаггүй.
Эдгээр нь Бурханы хүч чадлыг тайлбарлаж чадахгүй.
Хэрэв Бурхан тэмдэг, гайхамшиг л үзүүлсэн бол,
Бурханы бодит байдлыг ил болгож,
хүнийг төгс болгох боломжгүй байх байлаа.
Бурхан тэмдэг, гайхамшгаар хүнийг төгс болгодоггүй,
харин үг ашиглан хүнийг усалж, хариулж,
хүнийг дуулгавартай,  Бурханы тухай мэдлэгтэй болгодог.
Read More
Posted by :

2020-05-29

“Баяртай, бялдууч аа!” Чуулганы амьдралын гэрчлэлүүд Mонгол хэлээр

On: 23:20
By: Төгс хүчит Бурханыг шүтэн мөргөе


“Баяртай, бялдууч аа!” Чуулганы амьдралын гэрчлэлүүд (Mонгол хэлээр)

Баяртай, бялдууч аа! бол Бурханы шүүлт, гэсгээлтийг туулж буй Христэд итгэгчийн гэрчлэл билээ. Сургуулийн боловсрол, нийгмийн нөлөөний улмаас гол дүр маань “Эв зохицолтой байдал бол үнэт эрдэнэ, хүлцэнгүй байдал бол ариун журам”, “Сайн найзуудынхаа алдааны талаар амаа хамхих нь урт удаан, сайхан нөхөрлөлийг бий болгодог” мөн “Өөрийгөө хамгаалахын тулд чимээгүй бай, буруушаалтаас зугтахаар хичээ” гэх мэт үзэл санааг амьдралынхаа зарчим болгосон байжээ. Бурханы эцсийн өдрүүдийн ажлыг хүлээн зөвшөөрснийхөө дараа тэрээр амь зуух эдгээр дүрэмд үндэслэн ах, эгч нартайгаа харилцсаар байлаа. Чуулган дахь хуурамч удирдагчдыг олж мэдэх үедээ тэднийг гомдоох вий гэж эмээсэндээ илчилж, мэдээлэхээс айж, улмаар чуулганы ажилд хор хөнөөл учруулжээ. Бурханы үгийн шүүлт, илчлэлээр дамжуулан тэр өөрийнх нь эрэлхийлж байсан зүйл сатанлаг амьдралын гүн ухаан байсныг, мөн тэдгээр сатанлаг гүн ухааны дагуу амьдраад гаднаа хэчнээн боловсон, эелдэг харагдлаа ч аминч, ой гутам, туйлбаргүй, зальхай бялдууч хэвээр байхыг ухаарсан юм. Тэгээд тэр Бурханд залбирч, гэмшсэн байна. Үүний дараа үүргээ гүйцэтгэхдээ үнэнийг ухамсартайгаар хэрэгжүүлж, үнэнч шударга хүн байх болсон юм.
Read More
Posted by :

2020-05-28

"Үүргээ чанд мөрдөх нь" Христэд итгэгчдийн туршлагын тухай гэрчлэл Mонгол хэлээр

On: 21:57
By: Төгс хүчит Бурханыг шүтэн мөргөе

"Үүргээ чанд мөрдөх нь" Христэд итгэгчдийн туршлагын тухай гэрчлэл  Mонгол хэлээр

Энэ киноны гол дүрийн баатар “Өөрөө онцгойрч, өвөг дээдэстээ алдар нэр авчир”, “Хүн дээшээ тэмүүлдэг, ус уруугаа урсдаг” гэх мэт сатанлаг хоронд автаж, нэр төр, байр сууринд нэн их дурлана. Найрал дууны үзүүлбэрийн зураг авалтад оролцох үедээ тэрээр урд талын эгнээнд зогсож, камерын өмнө онгирохын төлөө л сургуулилт дээр шаргуу ажиллаж, зовж, төлөөс төлжээ. Өөрийн байр сууринд донтсон тэрээр, эгнээг удаа дараа өөрчлөх явцад нэр төр, байр суурийн шаналант дөнгөнд амьдарна. Тэгээд эцэст нь Бурханы үгийн илчлэл, шүүлтээр дамжуулан өөрийн сатанлаг зан чанар болон алдар нэр, ашиг хонжоо, байр суурь хөөцөлдөхийн аюул, үр дагаврыг жаахан ойлгож авчээ. Тэрээр харамсаж эхлэн нэр төр, байр суурь хөөцөлдөхөө болив. Үүний оронд ул суурьтай байдлаар үүргээ сайн биелүүлэн, Бурханыг магтаж, гэрчлэл хийхийн тулд сайхан дуулахад анхаарна. Ингэснээр тэр үнэнийг хэрэгжүүлэхийн амар амгалан, баяр баяслыг мэдэрсэн билээ.

Read More
Posted by :

2020-05-27

Түүх 2. Өндөр уул, жаахан горхи, хүчит салхи ба аварга давлагаа

On: 19:54
By: Төгс хүчит Бурханыг шүтэн мөргөе
  
   
   Нэгэн жаахан горхи мурилзан мушгирч урссаар эцэст нь өндөр уулын энгэрт ирэв. Уул бяцхан горхины замыг хааж байсан учир горхи дорой нарийн хоолойгоор, “Намайг явуулаач, чи миний зам дээр зогсоод, урагшлах замыг минь хаагаад байна” гэсэнд уул хариуд нь, “Чи хаашаа явж байгаа юм бэ?” гэхэд бяцхан горхи, “Би гэрээ хайж байгаа юм аа” гэв. Уул түүнд, “Болно оо, болно. Дээгүүр минь давж урсаад, урагш яваарай!” гэлээ. Гэвч бяцхан горхи дэндүү сул дорой, бас хэтэрхий залуу учир өндөр уулыг давж урсах ямар ч арга байсангүй. Тиймээс уулын энгэр даган урсахаас өөр сонголтгүй байлаа...
Read More
Posted by :

2020-05-26

Бурхан бол бүх зүйлийн амийн эх сурвалж (I)

On: 21:28
By: Төгс хүчит Бурханыг шүтэн мөргөе
  Өнөөдөр Би та нартай шинэ сэдвийн талаар нөхөрлөх болно. Ямар сэдэв байх вэ? Сэдвийн нэр нь “Бурхан бол бүх зүйлийн амийн эх сурвалж”. Нэлээд том сэдэв байгаа биз? Та нарын хувьд энэ нь хүрэхийн аргагүй юм шиг санагдаж байна уу? Бурхан бүх зүйлийн амийн эх сурвалж гэдэг нь хүний хувьд сонсоход хол хөндий сэдэв шиг санагдаж болох юм, гэхдээ Бурханыг дагадаг хүмүүс бүгд үүнийг ойлгох ёстой. Яагаад гэвэл, хүн бүр Бурханыг мэдэж, Түүнийг хангалуун байлгаж, Түүнийг хүндлэх чадвартай байхад энэ сэдэв салшгүй хамаатай. Тэгэхээр энэ сэдвийг ярилцах ёстой. Зарим хүн урьд нь энэ сэдвийн талаар үндсэн ойлголттой байсан байж болох юм, эсвэл зарим нь үүнийг мэддэг байсан байх. Оюун ухаандаа тэд энэ тухай хэтэрхий энгийн мэдлэгтэй, эсвэл өнгөцхөн ойлголттой байж болох юм. Бусад нь энэ тухай зарим нэг онцгой туршлагатай байдаг; өөрсдийн өвөрмөц туршлагын улмаас зүрх сэтгэлдээ тэд энэ тухай гүнзгий ойлголттой болсон байдаг. Гэхдээ энэ тухай мэдлэг гүн ч бай, өнгөцхөн ч бай, та нарын хувьд энэ нь өрөөсгөл бөгөөд хангалттай тодорхой биш. Иймээс энэ сэдвийг ярилцах ёстой бөгөөд үүний зорилго нь та нарт илүү тодорхой, гүн гүнзгий ойлголт өгөх явдал юм.
Read More
Posted by :

2020-05-25

ЦОР ГАНЦ БУРХАН ӨӨРӨӨ VII

On: 23:25
By: Төгс хүчит Бурханыг шүтэн мөргөе
Бурханы эрх мэдэл, Бурханы зөвт зан чанар, Бурханы ариун байдлын тухай тойм

   Залбирч дууссаны дараа зүрх сэтгэл чинь Бурханы өмнө тогтуун тайван болсон уу? (Тэгдэг.) Зүрх сэтгэл нь тогтуун тайван болж чаддаг бол хүн Бурханы үгийг сонсож, ойлгож чадах бөгөөд үнэнийг сонсож, ойлгож чадна. Харин зүрх сэтгэл чинь тогтуун тайван болж чаддаггүй бол, зүрх сэтгэл чинь үргэлж урсгал даган хөвж, эсвэл үргэлж өөр юм боддог бол Бурханы үгийг сонсохоор цуглахад энэ байдал чинь нөлөөлнө. Тэгэхээр бидний одоо ярилцаж байгаа зүйлийн гол цөм нь юу вэ? Гол сэдвээ эргээд жаахан бодъё. Цор ганц Бурханыг Өөрийг нь мэдэх тухайд бол, эхний хэсэгт бид Бурханы эрх мэдлийг хэлэлцсэн. Хоёр дахь хэсэгт бид Бурханы зөвт зан чанарыг хэлэлцсэн. Харин Бурханы ариун байдлыг гурав дахь хэсэгт хэлэлцсэн. Тухай бүрд бидний хэлэлцсэн нарийн бодитой агуулга та нарт сэтгэгдэл төрүүлсэн үү? “Бурханы эрх мэдэл” гэх эхний хэсгээс юу та нарт хамгийн гүн сэтгэгдэл үлдээж, аль хэсэг нь та нарт хамгийн их нөлөөлсөн бэ? (Бурхан эхлээд Бурханы үгийн эрх мэдэл, сүр хүчний тухай ярьсан; Бурхан хэлсэн үгэндээ хүрдэг ба Түүний үг биелэх болно. Энэ бол Бурханы төрөлх мөн чанар.) (Иовыг сорьж болох боловч амийг нь авч болохгүй гэж Бурхан Сатанд тушаасан. Үүнээс бид Бурханы үгийн эрх мэдлийг хардаг.)
Read More
Posted by :

2020-05-24

Өдөр тутмын Библийн уншлага: Эзэн Есүс Амралтын өдрийг сахиагүй нь бидэнд ямар анхааруулга өгдөг вэ?

On: 21:59
By: Төгс хүчит Бурханыг шүтэн мөргөе
Ли Чин, Хятад

 Нэгэн өглөө эрт сүнслэг үйл ажиллагаагаа хэрэгжүүлж байхдаа би Библид ингэж бичээстэй байхыг харлаа:“Тэр үед, Есүс амралтын өдөр тариан талбайгаар өнгөрөхөд, Түүний шавь нар нь өлсөж байсан тул улаан буудайн түрүүнээс шувтарч идэв. Гэтэл Фарисайчууд үүнийг хараад Түүнд, ‘Хараач, Таны шавь нар амралтын өдөр хууль бус юм хийж байна’ гэлээ. Харин Тэр тэдэнд, … Гэвч Би та нарт хэлье, энэ газарт сүмээс ч илүү аугаа Нэгэн байна. Хэрэв та нар Би тахилыг бус, өршөөлийг хүсдэг гэсэн нь ямар утгатай болохыг ойлгосон бол гэмгүй нэгэнийг буруутгахгүй байх байсан. Учир нь хүний Хүү Амралтын өдрийн ч Эзэн мөн.” (Матай 12: 1-3、6-8) Энэхүү хэсгийг уншсаныхаа дараа би гүн бодолд автав: “Хуулийн эрин үед Ехова эгэл ардуудад Амралтын өдрийг сахихыг тушаасан. Амралтын өдрөөр эгэл ардууд бүх ажлаа зогсоодог байсан; тэр өдөр ажлаа зогсоохгүй бол нүгэл болох бөгөөд тэдэнтэй харьцах ёстой болдог байсан. Эзэн Есүс ажлаа явуулахаар ирэхдээ Амралтын өдрийг сахихаа больж, сайн мэдээг номлож, ажиллахаар шавь нараа дагуулан янз бүрийн газар луу явсан юм. Яагаад тэгсэн юм бэ? Эзэн Есүс үүнийг хийсэн нь бидэнд ямар анхааруулга өгдөг юм бэ?” Би үүнийг удаан хугацаанд тунгаан бодсон боловч мөн л ойлгосонгүй.
Read More
Posted by :

2020-05-23

“Бурханы хөлийн мөрийг яаж хайх вэ” Христийн сүмийн дуу MV

On: 21:45
By: Төгс хүчит Бурханыг шүтэн мөргөе

“Бурханы хөлийн мөрийг яаж хайх вэ” Христийн сүмийн дуу MV

 Бурханы хөлийн мөрийг хайх зуураа та нар,
“Бурхан бол үнэн, зам ба амь” гэсэн үгийг үл ойшоосон.
Тиймээс олон хүн үнэнийг хүлээн авах үедээ
Бурханы илрэлтийг хүлээн зөвшөөрөх байтугай,
Бурханы хөлийн мөрийг олсондоо ч итгэдэггүй.
Ямар ноцтой алдаа вэ!
Бурханы илрэлтийг хүний үзэлд нийцүүлж болохгүй,
тэр ч байтугай Бурхан хүний хүслээр илрэхгүй.
Бурхан Өөрийн ажлаа хийх үедээ сонголтоо хийдэг,
Өөрөө төлөвлөгөөтэй байдаг.
Read More
Posted by :

2020-05-22

“Фарисайчууд Есүсийг эсэргүүцдэгийн үндэс” Бурханы үгийн магтан дуу гоцлол дуу

On: 23:02
By: Төгс хүчит Бурханыг шүтэн мөргөе

“Фарисайчууд Есүсийг эсэргүүцдэгийн үндэс” Бурханы үгийн магтан дуу гоцлол дуу

 Фарисайчууд яагаад Есүсийг эсэргүүцсэнийг та нар мэдмээр байна уу?
Тэдний мөн чанар юу болохыг мэдмээр байна уу?
Тэд Мессиагийн тухай уран сэтгэмжээр дүүрэн байсан,
Түүнийг ирнэ гэж итгэснээс биш амийн үнэнийг хайгаагүй.
Иймээс өнөөдөр ч гэсэн тэд Мессиаг хүлээсээр л байдаг,
учир нь тэдэнд амийн замын талаар ямар ч мэдлэг байдаггүй,
мөн үнэний зам гэж юу болохыг мэддэггүй.
Read More
Posted by :

2020-05-21

Magtan duu 2020 “Бурханы алдар суу Зүүн зүгээс цацардаг” гоцлол дуу

On: 22:22
By: Төгс хүчит Бурханыг шүтэн мөргөе


Magtan duu 2020 “Бурханы алдар суу Зүүн зүгээс цацардаг” гоцлол дуу
Бурхан шинэ тэнгэр, газарт орох үедээ л
алдрынхаа нөгөө хэсгийг илчилсэн.
Үүнийгээ эхлээд Канааны нутагт үзүүлсэн,
дараа нь харанхуй дэлхийд
сүүмэлзэх гэрэл цацарсан.
Бүгд гэрэл рүү ирж, хүч чадлаас нь тэнхээ аваг,
Бурханы алдар ийнхүү өсөж,
бүх үндэстэнд шинээр харагддаг.
Бурхан аль эрт газар дээр ирж, Израилиас
Зүүн зүгийн үндэстэнд алдар авчирсныг хүмүүс мэдэг.
Read More
Posted by :

2020-05-20

Төгс Хүчит Бурханы илрэлт ба ажил: Төгс Хүчит Бурханы Чуулганы үүсэл, хөгжлийн түүх (1-р хэсэг)

On: 16:52
By: Төгс хүчит Бурханыг шүтэн мөргөе


Төгс Хүчит Бурханы илрэлт ба ажил: Төгс Хүчит Бурханы Чуулганы үүсэл, хөгжлийн түүх (1-р хэсэг)

Хоёр мянган жилийн өмнө Эзэн Есүс: “Гэмшицгээ: тэнгэрийн хаанчлал ойрхон байна” (Матай 4:17) гэж хэлсэн, мөн “Би хурдан ирнэ” (Илчлэл 22:7) гэж амласан. Хоёр мянган жилийн найдвар, хоёр мянган жилийн хүлээлт … үе үеийн Христэд итгэгчид Эзэн Есүсийн эргэн ирэхийг тэсэн ядан хүлээсээр ирсэн. Аврагч ирээд, хүн төрөлхтөнд бүрэн аврал авчраасай гэж бүх хүн хүсэн мөрөөссөн. Дэлхий яг түнэр харанхуйд автаж, Сатаны ёрын муу хүчин Бурханыг хамгийн хэрцгий, догшноор эсэргүүцэж байх үед харин ертөнцийн Зүүн зүгт, Хятадад үүр цайсан юм. 1991 оны тэрхүү ер бусын жилд бие махбодтой болсон хүний Хүү, Төгс Хүчит Бурхан үнэнийг илэрхийлж, ажлаа хийхээр гэр чуулгануудад гарч ирлээ. Тэнд Тэр Бурханы гэрээс эхлэн шүүлтийн ажлыг хэрэгжүүлж эхэлсэн юм.
Read More
Posted by :

2020-05-19

Бурханы ариун байдал (III)

On: 14:37
By: Төгс хүчит Бурханыг шүтэн мөргөе
  Миний дөнгөж сая ярьсан эдгээр зүйл өнгөрсөн удаагийнхаас илүү дэлгэрэнгүй байна уу? (Тийм.) Тэгвэл та нарын ойлголт одоо арай илүү гүнзгий болсон уу? (Тэгсэн.) Маш олон хүн Намайг одоо Бурханы ариун байдал гэж яг юу болохыг хэлнэ гэж хүлээж байгааг Би мэднэ, гэхдээ Бурханы ариун байдлын талаар ярихдаа Би эхлээд Бурханы хийдэг үйл хэргийн тухай ярих болно. Та нар бүгд анхааралтай сонсох ёстой, дараа нь Би та нараас Бурханы ариун байдал гэж яг юу болохыг асууна. Би та нарт шууд хэлэхгүй, харин оронд нь үүнийг тунгаан бодох боломжийг та нарт олгож, үүнийг тунгаан бодох орон зайг та нарт үлдээнэ. Та нар энэ аргын талаар юу гэж бодож байна вэ? (Энэ нь сайн.) Иймээс анхааралтай сонсоорой.
Read More
Posted by :

2020-05-18

ЦОР ГАНЦ БУРХАН ӨӨРӨӨ VI

On: 13:05
By: Төгс хүчит Бурханыг шүтэн мөргөе
Бурханы ариун байдал (III)

   Өнгөрсөн удаа бидний нөхөрлөсөн сэдэв Бурханы ариун байдал байсан. Бурханы ариун байдал нь Бурханы Өөрийн аль талтай хамаатай вэ? Энэ нь Бурханы мөн чанартай хамаатай юу? (Тийм.) Тэгвэл бидний нөхөрлөл дэх Бурханы мөн чанартай хамаатай сэдэв юу вэ? Энэ нь Бурханы ариун байдал уу? Бурханы ариун байдал: энэ бол Бурханы цор ганц мөн чанар юм. Өнгөрсөн удаа бидний нөхөрлөсөн зүйлийн гол агуулга юу байсан бэ? (Сатаны ёрын мууг ялгаж таних. Өөрөөр хэлбэл, Сатан хүн төрөлхтнийг хэрхэн завхруулдаг тухай; тэр хүнийг завхруулахдаа мэдлэг, шинжлэх ухаан, уламжлалт соёл, мухар сүсэг болон нийгмийн хандлагыг ашигладаг.) Энэ бол өнгөрсөн удаа бидний хэлэлцсэн гол сэдэв байсан. Сатан хүнийг завхруулахдаа мэдлэг, шинжлэх ухаан, мухар сүсэг, уламжлалт соёл болон нийгмийн хандлагыг ашигладаг; эдгээр нь хүнийг завхруулдаг Сатаны арга зам юм. Нийтдээ таван арга зам байдаг. Сатан хүнийг завхруулахдаа алийг нь хамгийн их хэрэглэдэг, аль нь хүнийг хамгийн гүн завхруулдаг гэж та нар бодож байна вэ? (Уламжлалт соёл. Яагаад гэвэл Күнз, Мэнзийн сургаал гэх мэт сатанлаг гүн ухаан бидний оюун санаанд гүн шингэсэн.) Зарим ах эгч уламжлалт соёл гэж боддог. Өөр хүн байна уу? (Мэдлэг. Мэдлэг нь хэзээ ч биднийг Бурханд шүтэн мөргүүлдэггүй. Энэ нь Бурханы оршин тогтнолыг үгүйсгэж, Бурханы захиралтыг үгүйсгэдэг. Өөрөөр хэлбэл, бага залуугаасаа суралцахыг, мөн суралцаж, мэдлэгтэй болсноор л ирээдүй, хувь заяа чинь баталгаажна гэдгийг Сатан бидэнд хэлдэг.) Сатан ирээдүй, хувь заяаг чинь хянахын тулд мэдлэгийг ашигладаг, дараа нь чамаар хүссэн бүхнээ хийлгэдэг; Сатан хүнийг ингэж хамгийн гүн завхруулдаг. Тэгвэл та нарын ихэнх нь Сатан мэдлэгийг ашиглан хүнийг хамгийн гүн завхруулдаг гэж бодож байна. Өөр байна уу? Жишээ нь, шинжлэх ухаан эсвэл нийгмийн хандлагын тухайд ямар вэ? Эдгээртэй санал нийлж байгаа хүн байна уу? (Байна.) Өнөөдөр Би хүнийг завхруулдаг Сатаны таван арга замын тухай дахин нөхөрлөх болно, тэгээд дуусмагцаа яг аль талаар нь Сатан хүнийг хамгийн гүнзгий завхруулдгийг харахын тулд та нараас зарим нэг асуулт асууна.
Read More
Posted by :

2020-05-17

“Найруулагч болох миний мөрөөдөл” Христэд итгэгчдийн туршлагын тухай гэрчлэл (Mонгол хэлээр)

On: 16:58
By: Төгс хүчит Бурханыг шүтэн мөргөе

“Найруулагч болох миний мөрөөдөл” Христэд итгэгчдийн туршлагын тухай гэрчлэл (Mонгол хэлээр)

“Найруулагч болох миний мөрөөдөл” гэдэг нь Бурханы шүүлт, гэсгээлтийг туулж буй Христэд итгэгчийн гэрчлэл юм. Гол дүрийн баатар чуулганд үүргээ гүйцэтгэж байхдаа найруулагч болж, бусдаар бишрүүлэхийг юунаас ч илүүтэй хүснэ. Тэгээд үүнд бүх хүчин чармайлтаа зориулж, хүндрэл бэрхшээл туулан төлөөс төлдөг. Гэвч хоёр удаа бүтэлгүйтэл, азгүйдэл туулсныхаа дараа тэрээр үүргээ биелүүлэхдээ алдар нэр, ашиг хонжоо, байр суурь олж авах сэдэлтэй байснаа Бурханы үгийн шүүлт, гэсгээлтээр л дамжуулан эцэст нь ойлгож, эдгээр зүйлийн араас хөөцөлдөхийн мөн чанар, эцсийн аюулыг ч бас тодорхой олж харжээ. Тэр цагаас хойш тэрээр үүрэгтээ байр сууринд анхаарахаа больж, үнэнийг ул суурьтай эрэлхийлэн, алдар нэр, ашиг хонжооны хүлээс, хязгаарлалтаас аажмаар чөлөөлөгдөнө. Эцэст нь тэрээр Бурханы шүүлт, гэсгээлт бол хүн төрөлхтнийг гэх Түүний хамгийн агуу хайр, хамгаалалт гэдгийг үнэхээр мэдэрсэн билээ.
Read More
Posted by :

2020-05-16

Христийн сүмийн дуу “Хүний амийн төлөө Бурхан бүх зовлонг тэвчдэг” гоцлол дуу

On: 23:30
By: Төгс хүчит Бурханыг шүтэн мөргөе

Христийн сүмийн дуу “Хүний амийн төлөө Бурхан бүх зовлонг тэвчдэг” гоцлол дуу

 Хүний амийн үүсэл ба үргэлжлэлийн нууцуудыг 
хэн ч, хэзээ ч судалж үзээгүй.
Энэ бүхнийг ойлгодог Бурхан л, 
бүх зүйлийг Түүнээс хүлээн авсан мөртөө 
ачлалгүй хүний өгдөг шаналал, цохилтыг чимээгүйхэн тэвчдэг.
Амийн авчирдаг бүхнийг хүн зүй ёсны зүйл хэмээн таашаан эдэлдэг ба 
үүний адилаар хүн Бурханаас урваж, Бурханыг мартан, 
Бурханаас сүрдүүлэн авдаг нь “мэдээжийн хэрэг” билээ.
Read More
Posted by :

Христийн сүмийн дуу “Ариун Сүнсний ажилтай байхын тулд залбиралдаа зүрх сэтгэлээсээ ярь” (үгтэй)

On: 21:13
By: Төгс хүчит Бурханыг шүтэн мөргөе

Христийн сүмийн дуу “Ариун Сүнсний ажилтай байхын тулд залбиралдаа зүрх сэтгэлээсээ ярь” (үгтэй)

 Хэн ч Бурхантай ярилцахгүй байж болохгүй.
Залбиралгүйгээр чи махбодод амьдардаг,
Сатаны хүлээсэнд амьдардаг.
Жинхэнэ залбиралгүйгээр чи харанхуйд амьдардаг.
Ах, эгч нар өдөр бүр
үнэнчээр залбирч чадна гэж Бурхан найддаг.
Энэ бол хоосон сургаал мөрдөх явдал биш.
Гарсан үр дүнтэй байх ёстой.
Бурханы шаарддаг хамгийн бага стандарт нь
зүрх сэтгэлээ Түүнд нээх юм.
Read More
Posted by :

2020-05-13

“Бурханаас эмээж муугаас зайлахад шаардлагатай зам ” Сайн мэдээний магтан дуу (үгтэй)

On: 23:02
By: Төгс хүчит Бурханыг шүтэн мөргөе

“Бурханаас эмээж муугаас зайлахад шаардлагатай зам ” Сайн мэдээний магтан дуу (үгтэй)

 Бурханаас эмээх гэдэг нь
хэлэхийн аргагүй айдас, булталт,
шүтлэг эсвэл мухар сүсэг биш.
Харин ч Бурханаас эмээх гэдэг нь
бахдал, итгэл, хүндлэл, ойлголцол,
халамж, дуулгавартай байдал юм.
Энэ нь зориулалт, хайр, туйлын шүтэн мөргөл,
ач хариулах, гомдолгүйгээр захирагдах юм.
Read More
Posted by :

2020-05-12

1. Хүнийг завхруулахдаа Сатан мэдлэгийг хэрхэн ашигладаг тухай

On: 22:21
By: Төгс хүчит Бурханыг шүтэн мөргөе
  Эхлээд мэдлэгийн талаар ярья. Мэдлэгийг хүн бүхэн эерэг зүйл гэж үздэггүй гэж үү? Эсвэл ядаж, “мэдлэг” хэмээх үгийн утга нь сөргөөс илүү эерэг гэж хүмүүс боддог. Тэгвэл Сатан хүнийг завхруулахдаа мэдлэг ашигладаг гэж бид яагаад энд дурдаж байна вэ? Хувьслын онол нь мэдлэгийн нэг тал биш гэж үү? Ньютоны шинжлэх ухааны хууль нь мэдлэгийн нэг хэсэг биш гэж үү? Дэлхийн таталцлын хүч нь мэдлэгийн нэг хэсэг, тийм үү? (Тийм.) Тэгвэл хүн төрөлхтнийг завхруулахдаа Сатаны ашигладаг агуулгын дунд яагаад мэдлэгийг жагсаадаг вэ? Энэ талаарх та нарын ойлголт юу вэ? Мэдлэгт өчүүхэн төдий ч гэсэн үнэн байдаг уу? (Үгүй.) Тэгвэл мэдлэгийн мөн чанар юу вэ? Хүний судалдаг бүх мэдлэгийг ямар үндсэн дээр сурдаг вэ? Энэ нь хувьслын онол дээр үндэслэдэг үү? Хүний судалж, нэгтгэн дүгнэсэн мэдлэг нь бурхангүй үзэл дээр үндэслэдэггүй гэж үү? Энэ мэдлэгийн аль нэг нь Бурхантай холбоотой юу? Энэ нь Бурханд шүтэн мөргөхтэй холбоотой юу? Энэ нь үнэнтэй холбоотой юу? (Үгүй.)
Read More
Posted by :

2020-05-11

ЦОР ГАНЦ БУРХАН ӨӨРӨӨ V

On: 12:43
By: Төгс хүчит Бурханыг шүтэн мөргөе
Бурханы ариун байдал (II)

 Өнгөрсөн удаа бид тун чухал сэдвийн талаар нөхөрлөл хийсэн, энэ нь хүмүүсийн ихэвчлэн хэлэлцдэг сэдэв бөгөөд Бурханд итгэх явцад голдуу гарч ирдэг үг боловч хүмүүст танил, мөн танил биш санагддаг үг юм. Гэхдээ яагаад энэ вэ? Энэ нь хүний хэлээс гарч ирдэг үг юм; гэхдээ хүмүүсийн дундах үүний тодорхойлолт ойлгомжтой агаад тодорхой бус аль аль нь байдаг. Энэ нь ямар үг вэ? (Ариун байдал.) Ариун байдал: энэ нь өнгөрсөн удаа бидний нөхөрлөсөн сэдэв юм. Бид энэ сэдвийн талаар бага зэрэг нөхөрлөсөн. Өнгөрсөн удаа бидний нөхөрлөсөн хэсэг дээр үндэслээд хүн бүхэн Бурханы ариун байдлын мөн чанарын талаар шинэ ойлголттой болсон уу? Аль мэдлэг нь та нарт шинэ санагдсан бэ? Өөрөөр хэлбэл, тэрхүү ойлголтын, эсвэл тэдгээр үгийн юу нь Бурханы ариун байдлын талаарх та нарын ойлголт болон Бурханы ариун байдлын талаар Миний нөхөрлөсөн зүйлээс ялгаатай буюу өөр байсан гэж та нарт санагдсан бэ? Энэ нь сэтгэгдэл төрүүлсэн үү? (Бурхан Өөрийн зүрх сэтгэлд мэдэрч байгаа зүйлээ хэлдэг; энэ нь ариун юм. Энэ бол ариун байдлын нэг тал.) (Бурхан хүнд хилэгнэх үед ч ариун байдал байдаг ба энэ нь өө сэвгүй байдаг.) (Бурханы ариун байдлын тухайд гэвэл Бурханы зөвт зан чанарт уур хилэн, өршөөл байдаг гэдгийг би ойлгосон ба энэ нь надад маш хүчтэй сэтгэгдэл үлдээсэн.) Хүн болгон “ариун” хэмээх үгтэй танил бөгөөд энэ нь түгээмэл хэрэглэгддэг үг боловч тухайн үгийн утгын тухайд Бурханы ариун байдлын ямар илэрхийллийг хүмүүс харж чаддаг вэ? Бурхан хүмүүсийн хүлээн зөвшөөрч чадах юуг илэрхийлсэн бэ? Энэ нь хэний ч мэдэхгүй зүйл байх гэж Би санаа зовж байна. Хүмүүс бүгд Бурханы зөвт зан чанарын талаар ямар нэг юм сонсож, мэдсэн байдаг. Түүнчлэн, олон хүн Бурханы ариун байдлыг Бурханы зөвт зан чанарын хамтаар үргэлж ярьж, Бурханы зөвт зан чанар бол ариун гэж хэлдэг. Бурханы зан чанар нь зөвт боловч хэрвээ чи Бурханы зөвт зан чанарыг авч үзээд, үүнийг ариун гэж хэлбэл энэ нь бага зэрэг тодорхой бус, бага зэрэг будилаантай санагддаг; яагаад энэ вэ? Бурханы зан чанар бол зөвт гэж чи хэлдэг, эсвэл Түүний зөвт зан чанар нь ариун гэдэг, иймээс зүрх сэтгэлдээ та нар Бурханы ариун байдлыг хэрхэн тодорхойлж, хэрхэн ойлгодог вэ? Өөрөөр хэлбэл, Бурхан юу илэрхийлсэн, эсвэл Бурханд юу байгаа, Тэр хэн болохын юуг нь хүмүүс ариун гэж хүлээн зөвшөөрдөг вэ? Энэ тухай өмнө нь бодож байсан уу? Миний харсан зүйл бол хүмүүс түгээмэл хэрэглэгддэг үгийг, эсвэл дахин дахин хэлэгдсээр ирсэн хэллэгийг үргэлж хэлдэг атлаа юу хэлж байгаагаа ч мэддэггүй.
Read More
Posted by :

2020-05-10

ЦОР ГАНЦ БУРХАН ӨӨРӨӨ IV

On: 15:32
By: Төгс хүчит Бурханыг шүтэн мөргөе

Бурханы ариун байдал (I)

  Сүүлийн цуглааны үеэр бид Бурханы эрх мэдлийн талаар нэмж нөхөрлөсөн ба яг одоо Бурханы зөвт байдлын тухай ярилцахгүй. Өнөөдөр бид цоо шинэ сэдэв буюу—Бурханы ариун байдлын талаар ярих болно. Бурханы ариун байдал бол Бурханы цор ганц мөн чанарын өөр нэгэн тал юм, иймээс энэ сэдвийг энд зайлшгүй нөхөрлөх хэрэгтэй билээ. Миний нөхөрлөх Бурханы мөн чанарын энэ тал нь, бидний өмнө нь нөхөрлөсөн Бурханы зөвт зан чанар болон Бурханы эрх мэдэл хэмээх хоёр талын хамтаар—бүгд цор ганц биш гэж үү? (Тийм.) Бурханы ариун байдал нь мөн цор ганц, иймээс энэхүү цор ганц байдлын суурь, энэхүү цор ганц байдлын үндэс нь бидний өнөөдрийн нөхөрлөлийн сэдэв юм. Ойлгов уу? Өнөөдөр бид Бурханы цор ганц мөн чанар—Бурханы ариун байдлын тухай нөхөрлөх гэж байна. Магадгүй та нарын заримд эргэлзээ төрж, “Яагаад Бурханы ариун байдлыг ярилцана гэж?” хэмээн асууж байгаа байх. Бүү санаа зов, Би та нарт үүнийг алгуурхнаар тайлбарлаж өгнө. Үүнийг сонсмогцоо та нар Миний хувьд энэ сэдвийг нөхөрлөх нь яагаад тийм чухал болохыг мэдэх болно.
Read More
Posted by :

2020-05-09

“Моабын үр удмыг гэх Бурханы өргөмжлөл” Христийн сүмийн дуу (Lyrics)

On: 23:04
By: Төгс хүчит Бурханыг шүтэн мөргөе

“Моабын үр удмыг гэх Бурханы өргөмжлөл” Христийн сүмийн дуу (Lyrics)
Та нар одоо Бурханаар шүүгдэж байна,
эцэст нь хэр ихийг ойлгож авах вэ?
Байр суурь чинь хэдий өндөр биш ч гэлээ,
Бурханы өргөлтийг эдэлсэн гэж та нар хэлнэ.
Дорд заяанд төрсөн та нарт зиндаа байгаагүй.
Чамд өгөгдсөн байр суурь бол
бүгд Бурханы өргөлтийн ач тус.
Энэ бол Түүний чамд хайрласан зүйл.
Бурханы сургалт, шүүлт, гэсгээлт, шатаалт, ариусгалтыг
өнөөдөр чи хүлээн авч чаддаг.
Энэ бол бүгд Бурханы агуу хайрын тэмдэг,
Түүний өргөлтийн бүр ч тод илрэл.
Read More
Posted by :

2020-05-08

Сайн мэдээний магтан дуу “Хаанчлалын эрин үед Бурхан хүнийг үгээр төгс болгодог” гоцлол дуу

On: 23:19
By: Төгс хүчит Бурханыг шүтэн мөргөе

Сайн мэдээний магтан дуу “Хаанчлалын эрин үед Бурхан хүнийг үгээр төгс болгодог” гоцлол дуу

 Энэ эрин үед Бурхан 
энэхүү бодит байдлыг та нарын дунд биелүүлнэ:
бүгд Түүний үнэнийг хэрэгжүүлж,
Түүний үгийг амьдран харуулж,
зүрхээрээ Түүнийг хайрлана.
Бүх хүн Бурханы үгийг суурь болгож, 
бодит байдлаа болгон ашиглаж,
Бурханыг хүндлэх зүрх сэтгэлтэй байна;
Бурханы үгийг хэрэгжүүлснээр
тэд Бурхантай хамт хаанчилна.
Read More
Posted by :

2020-05-06

Сайн мэдээний магтан дуу “Үнэнийг эзэмшдэг эсэхээс нь хамаарч Бурхан хүний төгсгөлийг шийддэг”

On: 16:55
By: Төгс хүчит Бурханыг шүтэн мөргөе


Сайн мэдээний магтан дуу “Үнэнийг эзэмшдэг эсэхээс нь хамаарч Бурхан хүний төгсгөлийг шийддэг”

 Бурхан хүн дээр ажиллаж эхэлсэн үе биш,
хүн бүрийн төгсгөлийг тодорхойлох цаг үе юм.
Бурхан хүн бүрийн үг, үйлдлийг, 
Бурханыг дагасан тэдний зам, 
тэдний төрөлх шинж чанар болон 
эцэстээ тэд биеэ хэрхэн авч явсныг 
бүртгэлийн дэвтэртээ нэг бүрчлэн тэмдэглэдэг. 
Ингэснээр ямар ч хүн Бурханы гараас мултрахгүй.
Бүгд Түүний оноосон төрөлтэй байх болно.
Ингэснээр ямар ч хүн Бурханы гараас мултрахгүй.
Бүгд Түүний оноосон төрөлтэй байх болно.

 Хүн бүрийн хүрэх газрыг шийдэхдээ Бурхан
нас, зэрэг зиндаа, зовлон зүдүүр,
өрөвдөм байдал дээр нь биш,
зөвхөн үнэнийг эзэмшдэг эсэхэд нь л үндэслэдэг.
Үүнээс өөр сонголт гэж үгүй. 
Бурханы хүслийг дагадаггүй 
бүх хүн ч бас шийтгүүлнэ гэдгийг 
та нар ухаарах ёстой.
Энэ бол хэн ч өөрчилж чадашгүй баримт.
Тиймээс шийтгүүлдэг хүмүүс
Бурханы зөвт байдлын дагуу,
тоймгүй олон муу үйлдэлдээ цээрлэл хүртдэг.
“Хургыг дагаж шинэ дуу дуулъя” номоос

Read More
Posted by :

2020-05-05

Үхэл: Зургаа дахь онцгой үе

On: 16:20
By: Төгс хүчит Бурханыг шүтэн мөргөе
 Маш их үймээн бужигнааны дараа, маш их бүтэлгүйтэл, таагүй явдлын дараа, маш их баяр хөөр, уй гашуу болон сайн, муугийн дараа, маш олон мартагдашгүй жилүүдийн дараа, улирал ахин дахин солигдохыг харсны дараа ч хүн амьдралын чухал үеүдийг анзааралгүй өнгөрөөдөг бөгөөд нүд ирмэхийн зуурт л бөхөн унтарч буй насандаа очсоноо мэддэг. Цаг хугацааны ул мөр бүх биеэр нь тамгалагддаг: Хүн цэх шулуун зогсож чадахаа больж, хар үстэй толгой нь цагаан болж, хурц тунгалаг нүд нь сүүмийн булингартаж, зөөлөн толигор арьс нь үрчийж, нөсөөтдөг. Хүний сонсгол муудаж, шүд нь сулран унаж, хариу үйлдэл нь удааширч, хөдөлгөөн нь удаан болдог… Энэ үед хүн залуу насныхаа оргилсон он жилүүдтэй бүрмөсөн салах ёс хийж, амьдралынхаа хэвийх үе болох өтөл нас руу ордог. Дараа нь тэр хүний амьдралын сүүлчийн чухал үе болох үхэлтэй учрах болно.
Read More
Posted by :

2020-05-04

Хүний амьдралын зургаан онцгой үе

On: 12:50
By: Төгс хүчит Бурханыг шүтэн мөргөе
Амьдралынхаа явцад хүн бүр хэд хэдэн шийдвэрлэх онцгой үе дээр ирдэг. Эдгээр нь хүний амьдралын хувь заяаг тодорхойлдог хамгийн үндсэн, хамгийн чухал алхмууд билээ. Дараах зүйлс нь амьдралынхаа явцад хүн бүхний туулах ёстой эдгээр чухал үеүдийн товч тайлбар юм.

    Төрөлт: Эхний онцгой үе

   Хүн хаана төрсөн, тэр ямар гэр бүлд төрсөн, хүний хүйс, дүр төрх болон төрсөн цаг: эдгээр нь хүний амьдралын эхний онцгой үеийн нарийн зүйлс юм.

   Энэ онцгой үеийн эдгээр хэсгийн талаар хэнд ч, ямар ч сонголт байдаггүй; тэдгээрийг Бүтээгч бүгдийг нь аль хэдийнээ урьдчилан тогтоосон байдаг. Тэдгээрт гадаад орчин ямар нэгэн байдлаар нөлөөлдөггүй ба Бүтээгчийн урьдаас тогтоосон эдгээр баримтыг хүний бүтээсэн ямар ч хүчин зүйл өөрчилж чадахгүй. Хүн төрнө гэдэг бол тухайн хүнд зориулан зохицуулсан хувь заяаных нь эхний алхмыг Бүтээгч аль хэдийн биелүүлсэн гэсэн үг юм. Энэ бүх нарийн зүйлийг Тэр аль хэдийн урьдаас тогтоосон учраас тэдгээрийн аль нэгийг өөрчлөх хүч хэнд ч байхгүй. Хүний цаашдын хувь заяанаас үл хамааран хүний төрөх нөхцөлүүд урьдаас тогтоогдсон байдаг ба тэр хэвээрээ үлддэг; тэдгээрт хүний амьдралын хувь заяа ямар нэгэн байдлаар нөлөөлдөггүй, мөн тэдгээр нь үүнийг захирах Бүтээгчийн дээд эрхэд ямар нэг байдлаар нөлөөлдөггүй.
Read More
Posted by :

2020-05-03

ЦОР ГАНЦ БУРХАН ӨӨРӨӨ III

On: 23:15
By: Төгс хүчит Бурханыг шүтэн мөргөе
Бурханы эрх мэдэл (II)

  Өнөөдөр бид өөрсдийнхөө нөхөрлөлийг “Цор ганц Бурхан Өөрөө” гэсэн сэдвийн тухай үргэлжлүүлэх болно. Бид энэ сэдвээр өмнө нь хоёр ч удаа нөхөрлөл хийсэн бөгөөд эхнийх нь Бурханы эрх мэдлийн талаар, хоёр дахь нь Бурханы зөвт зан чанарын талаар байсан. Энэ хоёр нөхөрлөлийг сонссоны дараа та нар Бурханы ялгамж чанар, байр суурь болон мөн чанарын талаар шинэ ойлголт олж авсан уу? Эдгээр ойлголт нь, Бурханы оршин тогтнолын үнэний тухай илүү үндэслэлтэй мэдлэг болон итгэлийг олж авахад та нарт тусалсан уу? Өнөөдөр Би “Бурханы эрх мэдэл” хэмээх сэдвийг дэлгэрүүлэн үзэхээр төлөвлөж байна.
Read More
Posted by :

2020-05-02

Христийн сүмийн дуу “Итгэгчид Бурханы мөрийг ойр дагах ёстой”

On: 22:35
By: Төгс хүчит Бурханыг шүтэн мөргөе

Христийн сүмийн дуу “Итгэгчид Бурханы мөрийг ойр дагах ёстой” 
Хүн Бурханд итгэдэг болохоор
Бурханы мөрийг алхам алхмаар ойрхон дагах ёстой;
тэр “Хургыг хаашаа ч явсан дагах” хэрэгтэй.
Зөвхөн энэ хүмүүс л үнэн замыг эрж хайдаг хүмүүс бөгөөд 
зөвхөн тэд л Ариун Сүнсний ажлыг мэддэг хүмүүс юм.
Бичиг үсэг, хоосон номлолыг боол мэт дагадаг хүмүүс бол
Ариун Сүнсний ажлаар таягдан хаягдсан хүмүүс билээ.
Цаг үе бүрд Бурхан шинэ ажлыг эхлүүлдэг,
цаг үе бүрд хүмүүсийн дунд шинэ эхлэл байх болно.
Read More
Posted by :

2020-05-01

Ѳдѳр тутмын Бурханы үг “Байлдан дагуулалтын ажлын дотоод үнэн IV” (Эшлэл 2)

On: 22:56
By: Төгс хүчит Бурханыг шүтэн мөргөе

Ѳдѳр тутмын Бурханы үг “Байлдан дагуулалтын ажлын дотоод үнэн IV” (Эшлэл 2)

Чи, бие махбодтой болсон Бурханыг хүлээн зөвшөөрдөг мөн Үг нь махбодоор илэрснийг хүлээн зөвшөөрдөг гэж хэлдэг, гэхдээ чи одоо ч Түүний нүднээс далдуур зарим зүйлийг хийдэг, Түүний чамаас хүсдэг байдлаар чи үйлддэггүй ба Түүнээс айдаггүй. Энэ нь Бурханыг хүлээн зөвшөөрч байгаа хэрэг үү? Түүний хэлснийг чи хүлээн зөвшөөрдөг, гэхдээ чи өөрийн хийж чадах зүйлсээ ч хэрэгжүүлэхээс татгалздаг ба Түүний замыг баримталдаггүй. Энэ нь хүлээн зөвшөөрөлт үү? Чи Түүнийг хүлээн зөвшөөрдөг гэвч чиний цорын ганц боддог зүйл чинь Түүнээс сэрэмжлэх, Түүнийг хэзээ ч хүндлэхгүй байх. Хэрвээ чи Түүний ажлыг харж, хүлээн зөвшөөрдөг бөгөөд Тэр бол Бурхан гэдгийг мэддэг ч гэсэн хөндий хайнга байж, ерөөсөө өөрчлөгдөхгүй байвал чи байлдан дагуулагдаагүй хүн хэвээр байх юм.
Read More
Posted by :