Хариулт: Эзэн Есүс бие махбодтой болсон Төгс Хүчит Бурханы дүрээр эргэн ирсэн, мөн Тэрээр хүнийг шүүж, ариусгахад үг ашигладаг ажлын үе шатыг явуулахаар ирсэн гэж бид номлодог. Энэ нь үндэслэлгүй үг биш бөгөөд бие махбодтой болсон Бурханыг харах нь Тэр бол Бурхан Өөрөө мөн гэдгийг баталгаажуулах цорын ганц арга биш юм. Библид: “Иймээс итгэл нь сонсохоос, сонсох нь Христийн үгээр ирдэг” (Ром 10:17). гэсэн байдаг. Бид Бурханы үгийг хоёр нүдээрээ харж, Бурханы айлдварыг хоёр чихээрээ сонсдог учир Төгс Хүчит Бурханы үг, айлдвараас Төгс Хүчит Бурхан бол махбодод эргэн ирсэн Эзэн Есүс мөн гэдгийг таньж чаддаг бөгөөд энэ нь хангалттай юм. Эзэн Есүст итгэдэг ямар ч ах эгч Эзэн Есүсийг махбодод харсныхаа дараа итгэж эхлээгүй л байх. Хүмүүс Библид тэмдэглэгдсэн Эзэн Есүсийн ажил, үгнээс нь л үүдэн Түүнд итгэдэг бус уу? Эзэн Есүсийг дагах явцдаа Эзэний нигүүлслийг хүртэж, энэрэл, өршөөлийг нь мэдрэн, Түүний гайхамшигт үйл хэргийг хардаг учраас л тэд бүгд Түүнд итгэдэг бус уу, ингэснээр л тэд Эзэн Есүс бол жинхэнэ Бурхан гэдгийг баттай мэдэн, шийдвэртэйгээр Түүнийг дагаж эхэлдэг бус уу? Үнэн хэрэгтээ, Бурханд итгэгч болохынхоо хувьд бид Бурханыг махбодод харсан эсэх нь чухал биш бөгөөд энэ нь үнэн замыг эрж хайж, судлахад маань нөлөөлдөггүй. Бурхан хүн төрөлхтөнд махбод дахь хэлбэрээ илчлэх гэж бус, харин ажлаа гүйцэлдүүлж, хүмүүст авралыг нь хүртэх боломж олгохын тулд махбод болдог. Бурхан анх удаа бие махбодтой болсны зорилго нь загалмайд цовдлогдох замаар бүх хүн төрөлхтнийг золин аврах ажлаа гүйцэлдүүлэх явдал байсан юм. Энэ ажил дуусах үед Тэр газар дэлхийг орхисон; Тэрээр махбод нь ямар харагддагийг хүмүүс бүгд хараг гэж бие махбодтой болоогүй. Эзэн Есүс газар дээр зөвхөн гурван жил хагасын турш ажилласан бөгөөд Түүний ажлын цар хүрээ ч мөн нэлээд явцуу, зөвхөн Иудей, Галилаар хязгаарлагдаж байсан юм. Тэрээр хүмүүсийн хязгаарлагдмал цөөн хэсэгт л Өөрийгөө илчилж, энэхүү хязгаарлагдмал цөөхөн бүлэг хүмүүсийн дунд махбод дахь ажлаа эхэлсэн. Тэрээр Өөрийн махбод дахь хэлбэрийг бүх хүнд ил тод илчлээгүй. Дараа нь, Эзэн Есүс хэрхэн харагддаг байсан тухай номлож бус, харин Түүний үг болон загалмайн авралыг номлох замаар Түүний сайн мэдээ дэлхий даяар түгсэн юм. Түүний махбодын хэлбэрийн талаар хэлэх зүйл нэг их байгаагүй нь илэрхий. Хэрэв тийм зүйл байсан бол, тэгээд тэр нь хүмүүст Бурханыг мэдэж, Түүний авралыг олж авах боломж олгосон юм бол Эзэн Есүс яагаад махбодоо хүн бүрд харуулахын тулд дэлхий даяар аялаагүй юм бэ? Яагаад Тэрээр ийм хязгаарлагдмал цар хүрээнд ажиллаж, Өөрийгөө зөвхөн цөөн бүлэг хүмүүст илчилсэн юм бэ? Бурхан хүн төрөлхтөнд Өөрийн махбодын хэлбэрийг илчлэх гэж газар дэлхий дээр махбодод ирээгүй нь мэдээж юм, учир нь ингэх нь бодит ач холбогдолгүй, мөн Бурханыг мэдэхэд ямар ч тус болохгүй байсан билээ. Төгс Хүчит Бурхан ингэж хэлдэг: “Бурхан махбод болсон нь, хүнд Өөрийн махбодыг мэдэх боломж олгох зорилготой биш, эсвэл Бурханы махбод болон хүний махан биеийн хоорондох ялгааг ялгаж таних боломжийг хүнд олгохын төлөө биш билээ; мөн хүний ялган таних чадварыг дадлагажуулахын тулд ч Тэр махбод болоогүй бөгөөд тэр ч бүү хэл, Бурханы махбод болсон биеийг шүтэн мөргөх боломжийг хүнд олгож, тэгснээрээ асар их алдарших зорилгоор тэгээгүй юм. Эдгээрийн аль нь ч Бурхан махбод болсны анхдагч санаа зорилго биш. …Бурхан зөвхөн Өөрийн ажлын шаардлагаар, хэрэгтэй үед л газар дээр ирдэг. Тэрээр газар дэлхий дээр тэнүүчлэх зорилгоор биш, харин Өөрийн хийх учиртай ажлыг гүйцэтгэхээр ирдэг. Үгүй бол Тэр яах гэж энэ ажлыг хийхийн тулд ийм хүнд ачаа үүрч, ийм агуу эрсдэл хүлээх билээ? Бурхан хэрэгтэй үедээ л махбод болдог ба үргэлж өвөрмөц ач холбогдолтой байдаг. Хэрэв энэ нь ердөө хүнд Өөрийгөө харуулж, тэдний мэдлэгийн хүрээг тэлэхийн төлөө байсан бол Тэрээр ийм хөнгөхнөөр хүмүүсийн дунд хэзээ ч ирэхгүй байсан нь гарцаагүй. Тэрээр Өөрийн удирдлага болон Өөрийн агуу ажлын төлөө, мөн илүү олон хүнийг олж авахын тулд газар дээр ирдэг. Тэрээр эрин үеийг төлөөлж, Сатаныг ялахаар ирдэг ба Сатаныг ялахын тулд Тэр махбод өмсдөг. Үүнээс ч илүүтэйгээр, бүх хүн төрөлхтний амьдралыг залж чиглүүлэхийн тулд Тэр ирдэг. Энэ бүхэн Түүний удирдлагатай хамаатай ба бүх орчлон ертөнцийн ажилтай хамаатай юм. Хэрвээ Бурхан хүмүүст Өөрийн махбодыг таниулж, тэдний нүдийг нээхийн тулд л махбод болсон бол Тэр бүх улсаар аялахгүй яасан юм бол? Энэ нь туйлын хялбар асуудал биш гэж үү? Гэвч Тэр тэгээгүй, үүний оронд тохиромжтой газрыг сонгон суурьшиж, хийх учиртай ажлаа эхлүүлдэг.” (Үг нь махбодоор илэрсэн номын “Бие махбодтой болсон нууц (3)”-аас). Бурхан илүү агуу ажил хийж, Сатаныг ялан, бүх хүн төрөлхтний газар дээрх амьдралыг залж чиглүүлэхээр бие махбодтой болдог гэдгийг харж болно. Тэрээр махбодынхоо хэлбэрийг хүн бүрд харуулахын тулд бие махбодтой болдоггүй. Бие махбодтой болсон Бурхан хүмүүст ажил, үгээ л үлдээдэг бөгөөд хүмүүст мөн Өөрийн ажил, үгийг л мэдэхийг зөвшөөрдөг. Эдгээрээр дамжуулан Тэр хүмүүст Түүний зан чанарыг болон Тэр юу болохыг мэдэх, мөн Түүний хүсэл, шаардлагыг ойлгон, улмаар Бурханы авралыг хүртэх боломжийг олгодог. Бурхан эцсийн өдрүүдэд “Үг махбодоор илрэх” ажлыг гүйцэлдүүлж, Түүгээр золин авруулсан боловч ариусгалтыг олж аваагүй хүмүүсийг байлдан дагуулж, аврах, мөн үнэнийг олж авч, Түүний үгийн шүүлт, гэсгээлт дотор ариусгагдах боломжийг энэ хүмүүст олгохын тулд бие махбодтой болж, ажилладаг. Хүн Түүнийг махбодод харсан эсэхээр Түүний авралыг олж чадах эсэхийг тодорхойлдоггүй. Урьд нь, бүгдээрээ Эзэн Есүсийг махбодод харсан олон иудей, фарисайчууд байсан боловч тэд Эзэн Есүст итгээгүй бөгөөд бүр Түүнийг яллаж, доромжилсон. Иймээс Бурхан тэднийг харааж, шийтгэсэн юм. Иудей болон Галилын гаднах харь үндэстний зарим нь Эзэн Есүсийг махбодод хараагүй боловч Эзэн Есүсийн ажлын тухай хүмүүсийн номлож байгааг сонсоод Эзэнд итгэн, дагаж, улмаар Түүний авралыг хүртсэн юм. Эцсийн өдрүүдэд төрсөн бид бүгд Библид тэмдэглэгдсэн байдаг Эзэн Есүсийн ажлын тухай хүмүүсийн номлосон зүйлээс үүдэн Эзэн Есүст итгэж, дагадаггүй гэж үү? Эзэн Есүсийг махбодод харсан учраас л Түүнд итгэдэг хүн байна уу? Мэдээж хэн ч байхгүй. Бид Эзэн Есүсийг махбодод харалгүйгээр ажил, үгээр нь л дамжуулан Түүнд эргэн очсон юм хойно, эцсийн өдрүүдэд Бурхан махбод болсон гэдэг баримтад, махбодыг нь эхлээд шинжилгүйгээр итгэж яагаад болохгүй гэж? Дахин бие махбодтой болсон Эзэн Есүсийн авчирсан, та нарыг аварч чадах ажил, үнэнийг бус, харин ердөө л Эзэн Есүсийн дахин бие махбодтой болсон хэлбэрийг харж, нүдээ баясгахыг л та нар хүсэн хүлээж, найдаж байгаа юм уу? Үнэхээр тийм бол та нар Бурханыг хэзээ ч харахгүй, учир нь Бурхан үнэнийг хүсэн хүлээж, эрж хайдаг, Түүний ажил, үгийг мэдэхээр хүсэн хүлээдэг хүмүүст л илэрдэг болохоос сониуч зандаа хөтлөгдөн Түүний махбодыг харахыг л хүсдэг, түүнчлэн зүрх сэтгэл нь эргэлзээгээр дүүрсэн болохоор Бурханыг зориуд туршдаг хүмүүст илэрдэггүй.
Үнэндээ бид ч бас Бурхан махбодод эргэн ирлээ гэж номлож байгаа хүмүүсийг анх сонсоод маш буруу үзэл бодолтой байсан, иймээс тэдэнд эргэлзэн: “Та нар Бурханыг махбод болсон гэж номлож байна. Түүнийг та нар харсан юм уу? Хараагүй юм бол Бурхан эргэн ирсэн гэж хэлэх ямар үндэслэл та нарт байгаа юм бэ?” гэцгээсэн. Бидний мунхаг, мэдлэггүй, ядуу зүдүү, өрөвдөлтэй байдал ийнхүү ил болсон билээ. Бид номлогчийн нөхөрлөлийг сонсож, Төгс Хүчит Бурханы үгийг унших замаар Бурхан бие махбодтой болохын нууц, ач холбогдлын талаар зарим мэдлэгийг аажмаар олж авч, үзэл маань аажмаар шийдвэрлэгдсэн юм. Үнэний энэ талын тухай Төгс Хүчит Бурханы үгийг уншицгаая. Төгс Хүчит Бурхан ингэж хэлдэг: “Бурхан махбодын ажлыг гүйцэтгэхийн тулд л махбод болдог болохоос, зүгээр л Өөрийг нь харах боломжийг бүх хүнд олгох гэсэндээ тэгдэггүй. Харин ч, Тэр Өөрийнхөө ажлаар ялгамж чанараа бататгаж, Өөрийнх нь илчилдэг зүйл мөн чанарыг нь нотлохыг зөвшөөрдөг.” (Үг нь махбодоор илэрсэн номын “Христийн мөн чанар бол Тэнгэрлэг Эцэгийн хүсэлд дуулгавартай байх юм”-аас). “Бурханы махбод болсон бие мөн эсэхийг тодорхойлоход, гадаад дүр төрхөөс илүүтэйгээр Түүний мөн чанарт (Түүний ажил, Түүний үг, Түүний зан чанар гээд олон бий) анхаарал хандуулах нь чухал юм. Хэрвээ хүн зөвхөн Түүний гадаад дүр төрхийг харж, Түүний мөн чанарыг орхигдуулбал, энэ нь хүний мэдлэггүй байдал, гэнэн занг харуулна. Гадаад дүр төрх нь мөн чанарыг тодорхойлдоггүй; цаашилбал, Бурханы ажил хэзээ ч хүний үзэлтэй нийцэж чадахгүй. Есүсийн гадаад дүр төрх нь хүний үзэлтэй зөрчилдөөгүй гэж үү? Түүний дүр төрх болон хувцаслалт нь Түүний жинхэнэ ялгамж чанарын талаар ямар ч сэжүүр өгч чадаагүй биш үү? Эртний Фарисайчууд Есүсийг эсэргүүцсэний шалтгаан нь тэд ердөө Түүний гадаад дүр төрхийг л харж, Түүний хэлсэн үгийг зүрх сэтгэлдээ хүлээн аваагүйгээс болсон биш үү? Бурханы илрэлтийг эрж хайдаг ах эгч нар түүхийн эмгэнэлт явдлыг давтахгүй гэж Би найдаж байна. Та нар орчин үеийн Фарисайчууд болж, Бурханыг загалмайд дахин цовдлох ёсгүй. Бурханы эргэн ирэлтийг хэрхэн угтан авахаа анхааралтай бодолцож, хэрхэн үнэнд захирагддаг хүн байх тухай тодорхой мэдэж байх ёстой. Есүсийг үүлэн дээр эргэн ирэхийг хүлээж байгаа хүн бүхний хариуцлага энэ билээ.” (Үг нь махбодоор илэрсэн номын “Бие махбодтой болсон нууц (2)”-оос). “Бурхан газар дээр ирнэ гэдэг нь Үг махбод болж байгаа хэрэг; Тэр зүгээр л хүнд Өөрийн үгийг ойлгуулж, Өөрийн үгийг харуулж байгаа ба тэр нь махбодоор гүйцэтгэдэг ажлыг хүнд харуулж байгаа хэрэг юм. Түүний санаа зорилго нь, хүмүүс Түүний махбодод тодорхой байдлаар хандах явдал биш, харин хүн эцсээ хүртэл дуулгавартай байх явдал, өөрөөр хэлбэл, Түүний амнаас гарах үг бүрд дуулгавартай байж, Түүний хийдэг бүх ажилд захирагдах явдал билээ. Тэр ердөө махбодод ажиллаж байгаа ба Өөрийнх нь махбодын агуу болон ариун байдлыг өргөмжлөхийг хүнээс зориуд хүсэж байгаа биш. Тэр ердөө Өөрийн ажлын мэргэн ухаан болон Өөрт байгаа бүх эрх мэдлийг хүнд үзүүлж байгаа.” (Үг нь махбодоор илэрсэн номын “Бие махбодтой болсон нууц (2)”-оос). “Тэр махбод болсон болохоор л Сүнс Өөрийн ажлыг хийж байх үедээ оршин суух тохиромжтой газар олж, махбод дахь Өөрийн ажлыг илүү сайн биелүүлж болно—ингэснээр хүмүүс Түүний ажлыг харж, Түүний зан чанартай харилцаж, Түүний үгийг сонсож, Түүний ажлын гайхамшгийг мэдэж чадна. … Түүний бие махбодын гадаад төрх нь Түүний удирдлагад ямар ч хамаагүй энэ нь ердөө л тухайн үеийн Түүний ажлын төлөө юм. Гэсэн ч бие махбодтой болсон Бурханы хувьд ямар ч тодорхой гадаад төрхгүй байх боломжгүй бөгөөд иймээс Тэр Өөрийн гадаад төрхийг тодорхойлохын тулд тохиромжтой гэр бүлийг сонгодог. Хэрвээ Бурханы гадаад төрх нь төлөөлөх ач холбогдолтой бол Түүнтэй адилхан нүүр царайтай бүх хүмүүс бас Бурханыг төлөөлнө. Тэр нь цадиггүй алдаа байхгүй гэж үү?” (Үг нь махбодоор илэрсэн номын “Бие махбодтой болсон нууц (3)”-аас).
Дараа нь бид Төгс Хүчит Бурханы үг, ажлыг туулах замаар Төгс Хүчит Бурхан бол нэгэн жинхэнэ Бурхан бөгөөд газар дээр аль хэдийн махбодод ирсэн, бидний дунд амьдардаг гэдэгт улам итгэлтэй болсон юм. Түүний махбод бүх хүнд илчлэгдээгүй хэдий ч Түүний ажил болон үг нь үнэнийг хүсэн хүлээж, эрэлхийлдэг бүх хүнд нээлттэй байдаг. Бид Төгс Хүчит Бурханы үгийг уншиж, Төгс Хүчит Бурханы шүүлт, гэсгээлтийн бодит ажлыг туулах замаар урьд нь ойлгоогүй олон үнэнийг ойлгодог ба завхралыг хаях, ариусах замыг олж, өөр тохиолдолд илрүүлэх боломжгүй байх байсан, өөрсдөдөө байгаа завхарсан зан чанарыг болон Бурханыг эсэргүүцдэг уг чанар, мөн чанарыг таньдаг. Үүний зэрэгцээ бид ямар ч зөрчлийг хүлцдэггүй Бурханы сүр жавхлант, зөвт зан чанарыг мэддэг болж, Бурхан сатанлаг завхарсан зан чанарыг маань үзэн ядаж, жигшдэг атлаа биднийг удахгүй өөрчлөгдөж, Түүний авралыг хүртэнэ гэж ямагт найдаж байгаа гэдгийг ойлгож авдаг. Зүрх сэтгэлдээ Бурханы хайранд талархах, өөрсдийн тэрслүү байдал, завхралыг үзэн ядах, үнэнийг эрэлхийлэхийн тулд чадах бүхнээ хийх, нүглийн хүлээсний харанхуй ертөнцийг аажмаар орхиж, завхарсан зан чанараа улам бүр өөрчлөх зэрэг нь бүгд эцсийн өдрүүдийн Христ болох Төгс Хүчит Бурханы ажлаар хүрдэг үр дүн юм. Хүндэт ах эгч нар аа, үзлээ хойш тавьж, Төгс Хүчит Бурханы ажил, үгийг нээлттэй зүрх сэтгэлээр эрж хайн, судалж чадвал та нар ч бас Бурханы илрэлтийг харж, Түүний эцсийн өдрүүдийн авралыг хүртэх хувьтай байх болно гэж бид итгэж байна.
0 意見:
Post a Comment