Библид хэлжээ： “Учир нь хүн зүрх сэтгэлдээ итгэн шударга байдалд хүрдэг; мөн амаараа хүлээн зөвшөөрч авралд хүрдэг” (Ром 10:10). Бид Есүст итгэх итгэлээрээ дамжуулж аль хэдийнээ аврагдсан. Нэгэнт бид аврагдсан болохоор мөнхөд аврагдсан гэсэн үг. Эзэн ирэх үед бид тэнгэрийн хаанчлалд гарцаагүй орох болно.

Хариулт:

"Нэгэнт бид аврагдсан тул үүрд аврагдаж тэнгэрийн хаанчлалд орж чадна" гэдэг нь зөвхөн хүний үзэл, төсөөлөл юм. Энэ нь Бурханы үгтэй огтхон ч нийцэхгүй байна. Хүмүүс итгэлээрээ аврагдан тэнгэрийн хаанчлалд орж чадна гэж Эзэн Есүс огт хэлээгүй. Харин тэнгэр дэх Эцэгийн хүслийг гүйцэлдүүлсэн хүмүүс л тэнгэрийн хаанчлалд орж чадна гэж Эзэн Есүс хэлсэн. Эзэн Есүсийн үг л эрх мэдэлтэй бөгөөд үнэн юм. Хүмүүсийн үзэл, төсөөлөл үнэн биш. Тэр нь хүн тэнгэрийн хаанчлалд орох эсэхийг шийдэх жишиг биш юм. бидний ярьдаг "итгэлээр дамжуулсан авралын " тухайд энэ "аврал" нь зөвхөн хүний нүгэл өршөөгдөхийг, мөн хуулиар буруутгагдаж эсвэл үхэх ял авахгүй байхыг хэлдэг. "Аврагдсан" тэр хүн Бурханы замаар явж, нүглээс чөлөөлөгдөж, ариун болсон гэсэн үг биш. Энэ нь мэдээж хэрэг тэнгэрийн хаанчлалд орж чадна гэсэн утгыг агуулаагүй. Хэдийгээр итгэлээрээ дамжуулан нүглээ уучлуулсан ч нүгэл бидний дотор оршсоор буй. Бид байнга нүгэл үйлдэж, Бурханыг эсэргүүцсээр байгаа. Бид нүгэл үйлдээд нүглээ наманчлах мөнхийн тойрогт амьдардаг. Тэгвэл ийм хүмүүс тэнгэрийн хаанчлалд яаж орох вэ? Библид ийн хэлдэг: “Ариун байдалгүйгээр хэн ч Эзэнийг харахгүй” (Еврей 12:14). Хэрвээ нүгэлтнүүд тэнгэрийн хаанчлалд орж чадна гэвэл энэ нь баримттай нийцэхгүй. Та эдгээр бохир, завхарсан нүгэлтнүүд тэнгэрийн хаанчлалд амьдарна гэж хэлж зүрхлэх үү? Та тэнгэрийн хаанчлалд бохир, өөдгүй хүн байхыг харсан уу? Эзэн бол зөвт хийгээд ариун. Эзэн тэнгэрийн хаанчлалд нүгэлтнүүд амьдрахыг зөвшөөрөх болов уу? Эзэн Есүс хэлсэн нь: “Үнэнээр, үнэнээр Би та нарт хэлье, Нүгэл үйлддэг хэн боловч нүглийн боол юм. Боол гэрт мөнхөд байдаггүй: харин Хүү мөнхөд байдаг”(Иохан 8:34-35). Тиймээс нүглээсээ чөлөөлөгдөөгүй, ариун байдалд хүрээгүй хүн тэнгэрийн хаанчлалд орох боломжгүй нь харагдаж байна. Хэрвээ итгэлээрээ дамжуулан аврагдсан хүн тэнгэрийн хаанчлалд ордог юм бол яагаад Эзэн Есүс ингэж хэлсэн юм бол?: “Намайг, ‘Эзэн минь, Эзэн минь’ гэсэн бүхэн тэнгэрийн хаанчлалд орохгүй; харин тэнгэрт байгаа Миний Эцгийн хүслийг биелүүлдэг хүн орно”? Яагаад Тэрээр ямааг хониноос, буудайг үрийн сүүлээс салгана гэж хэлсэн юм бол? Тиймээс "Итгэлээр дамжуулан аврагдсан хүн тэнгэрийн хаанчлалд орох эрхтэй " гэдэг үнэн биш! Энэ итгэл нь Эзэн Есүсийн үгтэй шууд зөрчилдөж байна!

Кино зохиол “Зүрх шархлуулсан дурсамж”-аас